იტალიის ჩემპიონატი

ვიდალი: შეცდომები აღარ უნდა დავუშვათ

USER — Sun, 06 May 2012 12:42:51 GMT

''იუვენტუსის'' ნახევარმცველმა არტურო ვიდალმა განაცხადა, რომ მათ ქულების დაკარგვის უფლება აღარ აქვთ და ეს არ უნდა დაუშვან, თუ მათ სკუდეტოს მოპოვება სურთ. ანტონიო კონტეს გუნდმა წინა ტურში მოულოდნელად ლეჩეს დამარცხება ვერ შეძლო(1-1), რის შემდეგაც მათი უპირატესობა მხოლოდ 1 ქულას შეადგენს.

''მილანი'' თავგამოდებით მოსდევს ''იუვენტუსს'' და ამიტომ, ვიდალი მის გუნდს კვირას კალიარის დამარცხებისკენ მოუწოდებს.

'' არ გვაქვს უფლება რომ, კიდევ მეტი შეცდომა დავუშვათ. ველოდებით კვირა დღეს, ჩვენ შეგვიძლია დავამტკიცოთ, რომ საუკეთესოები ვართ.''

სერია ა-ს დასრულებამდე 2ტურია დარჩენილი, ბოლო ტურამდე იუვენტუსი იმ შემთხვევაში გაინაღდებს ჩემპიონობას, თუ ისინი მოუგებენ ''კალიარის'' და ''მილანი'' თანაქალაქელ ''ინტერთან'' დამარცხდება.

პრევიუ: ინტერი VS მილანი

USER — Sun, 06 May 2012 07:03:24 GMT

ინტერი - მილანი
ჩემპიონატი: იტალიის სერია ა, 37-ე ტური
თარიღი: 6 მაისი, 22:45 სთ
ადგილი: იტალია, მილანი, სან-სირო (ჯუზეპე მეაცა)
მსაჯი: ნიკოლა რიცოლი
შემადგენლობები:

ინტერი: სეზარი, მაიკონი, ძანეტი, ლუსიო, სამუელი, გუარინი, კამბიასო, პოლი, ალვარესი, სნეიდერი, მილიტო.

მილანი: აბიატი, აბატე, ნესტა, ბონერა, ანტონინი, ნოჩერინო, მუნტარი, ვან ბომელი, ბოატენგი, იბრაჰიმოვიჩი, კასანო.

ინტერის წინასამატჩო მდგომარეობა
ინტერმა პარმასთან მარცხის შემდეგ მნიშვნელოვნად შეიმცირა მესამე ადგილზე გასვლის შანსი. დღეს მათ ხავიერ ძანეტი დაუბრუნდებათ. 38 წლის ვეტერანმა ბოლო 3 მატჩი ტრავმის გამო გამოტოვა, თუმცა იგი დერბის მწყობრში შეხვდება.

თუმცა, არგენტინელის დაბრუნების გარდა, ინტერმა დეიან სტანკოვიჩი დაკარგა, რომელიც სეზონის დარჩენილ ნაწილს გამოტოვებს. ამიტომ სერბის მაგივრად ძირითად შემადგენლობაში ენერგიული კოლუმბიელი ნახევარმცველი ფრედი გუარინი იქნება. კრისტიან კივუ და ლუკ კასტანიოსი ტრავმის გამო არ იქნებიან.

ანდრეა სტრამაჩონის შეტევის ხაზში აქვს საფიქრელი, მას გადასაწყვეტი აქვს ალვარესის და ძარატეს წყვილიდან რომელი დააყენოს ძირითადში სნეიდერი-მილიტოსთან ერთად.

მილანის წინასამატჩო მდგომარეობა
მილანმა ისარგებლა იუვენტუსის "წაბორძიკებით" და სხვაობა მათ შორის მინიმუმამდე შეამცირა.
მილანი ტიაგო სილვას გარეშე ჩაატარებს დერბის, ამიტომ ალესანდრო ნესტას მეწყვილე დაცვაში დანიელე ბონერა იქნება. მარჯვენა მცველად კი ინიაციო აბატე იდგება. დაბრუნდება ვან ბომელი, რომელიც ალეგრიმ ბოლო მატჩში დაასვენა, ასევე დაბრუნდა ურბი ემანუელსონიც, თუმცა დღეს იგი სკამზე იქნება.

ალეგრის კასანოს და რობინიოსგან უნდა შეარჩიოს იბრას მეწყვილე, ხოლო შემტევი ხაზის უკან კევინ-პრინს ბოატენგი იმოქმედებს.

კვლავ არ იქნება კლარენს ზეედორფი. პატო და ინძაგი კი დიდი ხანია ტრავმირებულები არიან.

საინტერესო ფაქტები
1) სტრამაჩონის თავკაცობით "ინტერმა" წინა ტურში პირველი მატჩი "პარმასთან" 3-1 წააგო.
2) სერია A-ს ყველა ჩატარებულ დერბიში "ინტერი" ლიდერობს. (57 მოგება, 49 ფრე, 49 წაგება.)
3) დიეგო მილიტომ ბოლო 5 დერბიში 3 გოლი გაიტანა.
4) "მილანმა" წელს ჩემპიონატში ყველაზე მეტი 70 გოლის გატანა მოახერხა.
5) 2004 წლის ოქტომბრის შემდეგ "ინტერს" და "მილანს" ფრე არ უთამაშიათ.
6) ალეგრის გუნდს 3 მატჩიანი მოგებების სერია აქვს, რითაც მათ მოახერხეს "იუვენტუსთან" სხვაობის შემცირება.
7) ბოლო 7 დერბში 8 ფეხბურთელი გააძევეს. 5 "ინტერის" და 3 "მილანის".

“კალიარი” – “იუვენტუსი” ( განაცხადი )

USER — Sat, 05 May 2012 19:53:53 GMT

ტრიესტში გამგზავრებამდე გამართულ პრესკომფერენციაზე ანტონიო კონტემ იმ ფეხბურთელების გვარები დაასახელა, რომლებიც "კალიარის” წინააღმდეგ მატჩში მიიღებენ მონაწილეობას.ერთადერთი დანაკლისი პაოლო დე ჩელიეა, რომელიც ტრავმის გამო სეზონის ბოლომდე იუქმებს, სიმონე პეპე მწყობრშია.

1.ბუფონი

3.კიელინი

4.კასერესი

7.პეპე

8.მარკიზიო

10.დელ პიერო

13.მანინგერი

14.ვუჩინიჩი

15.ბარძალი

17.ელია

18.კვალიარელა

19.ბონუჩი

20.პადოინი

21.პირლო

22.ვიდალი

23.ბორიელო

24.ჯიაკერინი

26.ლიხტშტაინერი

27.კრასიჩი

28.ესტიგარიბია

30.სტორარი

32.მატრი

34.მარონე

"ინტერი"–"მილანი":პრევიუ (ვიდეო)

iBRaHiMoViC — Sat, 05 May 2012 14:41:45 GMT

ხვალ, 22:45-ზე მილანური დერბი გაიმართება. ეს მატჩი ყოველთვის დიდ ინტერესს იწვევდა, გამონაკლისი არც ხვალინდელი შეხვედრაა. გთავაზობთ ამ მატჩთან დაკავშირებით გაკეთებულ ვიდეოს:

“კალიარი” – “იუვენტუსი” ( წინასამატჩო )

iBRaHiMoViC — Sat, 05 May 2012 14:29:16 GMT

“კალიარი” – “იუვენტუსი” ( წინასამატჩო )

"კალიარის" ფეხბურთელები მზად არიან ყოფილი მწვრთნელის დასახმარებლად

USER — Sat, 05 May 2012 12:57:01 GMT

როგორც MilanNews.it იტყობინება "კალიარის" ყველა ფეხბურთელი მზად არის ყოფილი მწვრთნელის დასახმარებლად. ალეგრიმ "კალიარი" 2 წლის წინ დატოვა, მაგრამ მიდინარე ტურის მატჩში სარდინიელები ყველაფერს გააკეთებენ იმისთვის, რომ "იუვენტუსთან" ქულები აიღონ. აქ კი გთავაზობთ"კალიარის" ფეხბურთელების მცირე ინტერვიუებს, რომელიც La Gazzetta Dello Sport-მა გამოაქვეყნა.

დანიელე კონტი:"ალეგრი არის მწვრთნელი, რომლის ხელმძღვანელობის დროსაც ჩვენ ყველაზე მეტი ქულა დავაგროვეთ."

მიკელე აგაცი:"ის საოცარი პიროვნებაა, ყოველთვის იღიმის. მე სიტყვებს ვერ ვპოულობ მის დასახასიათებლად. მე მისი მწვრთნელობის დროს მხოლოდ და მხოლოდ 3-ჯერ ვითამაშე, მაგრამ მომეწონა მასთან და ლანუჩისთან (მეკარეების მწვრთნელი) მუშაობა. საკმარისია ჩვენი შედეგების ხილვა მისი მწვრთნელობის პერიოდში, იმის გასაგებად თუ როგორი დამოკიდებულება გვაქვს ჩვენ მასთან."

დავიდე ასტორი:"ბატონი? ის უნიკალურია, წარმოუდგენელი ადამიანი. "კალიარიში" მას ყოველთვის გამარჯვება სურდა. ამავდროულად ჩვენ ისიც უნდა გავიხსენოთ, რომ 20 წლის წინ "იუვენტუსმა" არ დაინდო ჩვენი კლუბი და სერია ბ-ში გაგვაგზავნა. ახლა ჩვენი ჯერია."

საერთოდ "კალიარის" ყველა ფეხბურთელი მზად არის დახმარება გაუწიოს ყოფილ მწვრთნელს და ბრძოლა გაუმართონ "იუვენტუსს".

"ინტერი" – "მილანი": სავარაუდო შემადგენლობები

iBRaHiMoViC — Sat, 05 May 2012 12:46:57 GMT

"ინტერი"(4-3-1-2): ჟულიო სეზარი, მაიკონი, ლუსიო, სამუელი, ნაგამოტო, ძანეტი, კამბიასო, გუარინი, სნეიდერი, ზარატე, მილიტო.

სათადარიგოები: კასტელაცი, რანოკია, ფარაონი, ობი, ალვარესი, ფორლანი, პაცინი.

მწვრთნელი: სტრამაჩიონი.

"მილანი" (4-3-1-2): აბიატი, აბატე, ნესტა, ბონერა, ანტონინი, ნოჩერინო, ვან ბომელი, მუნტარი, ბოატენგი, იბრაჰიმოვიჩი, რობინიო.

სათადარიგოები: ამელია, მექსესი, ემანუელსონი, ამბროზინი, გატუზო, კასანო, მაქსი ლოპესი.

მწვრთნელი: ალეგრი.

ბოატენგი: "ჩემი მეგობარი "ინტერის" ლიდერია"

iBRaHiMoViC — Sat, 05 May 2012 12:23:50 GMT

"მილანის" განელმა მოთამაშემ ინტერვიუ მისცა სპორტულ არხს "Sky Sport"-ს, სადაც აღიარა, რომ მის მეგობარ უესლი სნეიდერს არ სურს, ჩემპიონი "იუვენტუსი" გახდეს.

მატჩი კვირას, ეს არ არის მხოლოდ თამაში, ეს არის დერბი?

"დერბი - ეს არის დიდი მატჩი, მინდა რომ დავივიწყო ყველაფერი, მხოლოდ გამარჯვება მსურს. ჩვენ მზად ვართ ამ ბრძოლისათვის და ხელში ჩავიგდებთ 3 ქულას, ეს მატჩი დიდია როგორც იტალიაში ისევე მთელს მსოფლიოში. ჩვენ მზად ვართ შემდეგ მატჩში ვულიდეროთ ჩემპიონატს. "ინტერი"- ეს არის დიდი კლუბი, აქვს დიდი ისტორია, იქ თამაშობს ჩემი მეგობარი, რომელთანაც დიდი დრო მაქვს გატარებული, ის არ არის მხოლოდ ფეხბურთელი, ის არის "ინტერის" ლიდერი, კლუბის თამაში დამოკიდებულია მასზე".

ჩემპიონატის ბრძოლის სახელწოდება?

"ჩვენი მიზანია რომ ვიყოთ საუკეთესოები, ჩვენ გვენდობა მწვრთნელი და მას სჯერა რომ ჩვენ გვაქვს ერთიანი მიზანი. ეს მიზანია ჩემპიონატის მოგება, ჩვენ გვქონდა რთული სეზონი, ერთ ერთი საუკეთესო ბოლო წლებში, ჩვენ ვართ დამნააშავეები ძალიან ბევრი დაკარგული ქულის გამო, მაგრამ ჩვენ არ გვყავს ძალიან ბევრი მოთამაშეები, არიან დაზარალებულები, მათ შორის მეც, ახლა დაზიანებები უკვე შემცირდა. ჩვენ კიდევ ველოდებით "იუვენტუსის" შეცდომებს, წინააღმდეგ შემთხვევაში ჩვენ ვერ გავხდებით ჩემპიონები".

მუნტარის გაუქმებული გოლი "იუვენტუსთან"?

"ეს წარსულია, მაგრამ მე მინდა ვთქვა ის ეპიზოდი ზეგავლენას ახდენს ძალიან ბევრ რაღაცაზე კერძოდ, ჩვენ შეგვეძლო რომ "იუვენტუსზე" წინ ვყოფილიყავით ორი ქულით. ასეთი შეცდომები მიუღებელია, მაგრამ ჩვენ უფრო ძლიერები ვართ, თუმცა მაინც სირცხვილია, განსაკუთრებით მაშინ როდესაც დავკარგავთ ჩემპიონატის ტიტულს. ჩვენ არ წავაგებთ, რადგან ყველაფერს ზეციდან ხედავენ".

"ლეჩეს" გოლი "იუვენტუსთან" მატში?

"მე უკვე ტრიბუნიდან ვადევნებდი თვალყურს თამაშს, თავდაპირველად ვერაფერი მივხვდი, და შემდეგ როცა ამბროზინიმ უყვირა მოთამაშეებს, ჩვენ ტიფოზებთან ერთად ვმღეროდით. "იუვენტუსის" კალენდარი არ არის ადვილი, მაგრამ ჩვენ არაფერს არ დავთმობთ და დაველოდებით "იუვენტუსის" სიახლეებს".

კივუ “მილანთან” გამოირიცხა

USER — Sat, 05 May 2012 11:19:04 GMT

მილანის "ინტერის” მცველი კრისტიან კივუ თავის გუნდს "მილანთან” იტალიის ჩემპიონატის უახლოესი ტურის მატჩში ვერ დაეხმარება. ამის შესახებ Tutto Mercato იუწყება.

საქმე ისაა, რომ 31 წლის რუმინელს კვლავაც კოჭის ტრავმა აწუხებს. თავდაპირველად, "ნერაძურის” ექიმები გუნდის სამწვრთნელო შტაბს აიმედებდნენ, მაგრამ სადღეისოდ, დერბი დელა მადონინაში მცველის თამაში გამორიცხულია.

იტალიური მედიასაშუალებების ცნობით, მილანურ დერბის "ინტერის” კაპიტანი ხავიერ ძანეტიც დააკლდება.

შეგახსენებთ რომ მილანი-ინტერის მატჩი გაიმართება 22:45

“იუვენტუსი” იპყრობს ტრიესტას!

USER — Sat, 05 May 2012 09:53:46 GMT

ხვალინდელ შეხვედრაში მასპინძელი "კალიარია”, მაგრამ ეს მხოლოდ ფორმალურად. ტრიესტაში 5.000 -მდე სარდინიელთა ქომაგის საპირისპიროდ 20.000 -ზე მეტი "ბებერი ქალბატონის” გულშემატკივარი შეიკრიბება. მიუხედავად "კალიარის” პრეზიდენტის მიერ ბილეთებზე მაღალი ფასის დაწესებისა, მყიდველი მხოლოდ 150-200 ევროს ღირებულების ბილეთების ნაწილს არ გამოუჩნდა. სტადიონი თითქმის მთლიანად შავ-თეთრ ფერებში შეიღებება, "ნერეო როკოს” სტადიონზე იუვენტინოებს მთელი იტალიიდან ელოდებიან. ენთუზიაზმი პიკს აღწევს!

აბიატი: "ბუფონის შეფერხება? მე, უფრო მეტი მქონდა"

USER — Sat, 05 May 2012 08:26:02 GMT

"ბუფონის შეცდომა? მე, უფრო მეტი შეცდომა მქონდა. მე, ძალიან მომწონს ჯიჯი, ის ძალიან კარგი ადამიანია და ჩემი დიდი მეგობარია. ვიცი, რომ ჯიჯი ნანობს "ლეჩესთან" დაშვებულ შეცდომას, რომელიც შეიძლება, რომ ძვირად, დაუჯდეს, მაგრამ ჯერ, არაფერი არ დასრულებულა. ჯიჯის აქვს შანსი, რომ გამოასწოროს ეს შეცდომა. სკუდეტო ? ყველაფერი კარგადაა".
"ჩვენ გვჯერა და შეგვწევს იმის ძალა, რომ ვიბრძოლოთ ბოლომდე "სკუდეტოსთვის", რადაც არ უნდა დაგვიჯდეს. მხოლოდ ორი, მატჩი დარჩა ჩემპიონატის დასრულებამდე და იმედი მაქვს, რომ ორივე მატჩს კარგად გავუძღვებით და დამსახურებულად მოვიგებთ".
"ჩვენ, მხოლოდ უნდა ვიფიქროთ გამარჯვებაზე და შემდეგ სხვა დანარჩენზე. იმედი მაქვს, რომ "კალიარისთან"გასამართ მატჩში, "ბებერი–ქალბატონი" დაუშვებს შეცდომას, რომელსაც ჩვენ დიდი სიამოვნებით გამოვიყენებთ. ჩვენ, გვეშინია "ინტერის" ? არანაირი შიში და უკან დახევა ჩვენ, აქ იმისთვის ვართ, რომ ერთმანეთს გარკვეული წინააღმდეგობა გავუწიოთ. მე ვხედავ, რომ "ინტერში" ახალი მწვრთნელი, გუნდს შესანიშნავად მოერგო და ერთ–ერთი საუკეთესო სეზონი აქვთ, მაგრამ ცოტა არ იყოს, ვშიშობ, რომ ისინი იბრძვიან ჩემპიონთა–ლიგის საგზურისთვის და უკან არაფერზე არ დაიხევენ".

ვიდალი: ” დავამტკიცებთ, რომ საუკეთესოები ვართ “

USER — Sat, 05 May 2012 08:17:38 GMT

ტურინის "იუვენტუსის” ნახევარმცველი არტურო ვიდალი გულშემატკივრებს ფეისბუქის გვერდის საშუალებით მიმართავს. ჩილელი ფეხბურთელი მოტივირებულია და ხვალ მოედანზე გასვლას მხოლოდ მოსაგებად აპირებს: ” მეტი შეცდომის დაშვების ულება აღარ გვაქვს. მოუთმენლად ველოდებით კვირას, უნდა დავამტკიცოთ, რომ საუკეთესოები ვართ. ” -წერს ვიდალი. შეგახსენებთ, "ბიანკონერები” ხვალ თბილისის დროით 22:45 საათზე "კალიარის” დაუპირისპირდებიან.

იგუაინი მადრიდს ემშვიდობება !

USER — Sat, 05 May 2012 08:11:15 GMT

მაისური პარტიონერების ხელმოწერით და სიტყვა : ” დიდი მადლობა ყოველივეიმისათვის რაც ჩემთვის გააკეთეთ ” . სავარაუდოდ ამ რამდენიმე ფაქტორის გათვალსიწინებით უნდა ვიწინასწარმეტყველოთ , რომ გონსალო იგუაინის მადრიდული კარიერა დასასრულს მიუახლოვდა . მას შემდეგ რაც ჟოზე მოურინიომ არგენტინელ ფორვარდს , კარიმ ბენზემა ამჯობინა , ევროპულ პრესაში სულ უფრო და უფრო ხშირად ჩნდებოდა ინფორმაცია გონსალოს სხვა კლუბში გადასვლასთან დაკავშირებით . მისით ორი წლის წინ ბიანკონერიც იყო დაინტერესებული , მაგრამ მაშინ მადრიდელებმა უარყვეს იტალიელების წინადადება . ეხლა კი ჰორიზონტზე ” ბაიერნი ” გამოჩნდა და როგორც ჩანს იგუაინიც არ არის უარზე გერმანული კლუბის მთავარი ვარსკვლავი გახდეს . მიუნჰელები არგენტინელს წელიწადში 4 მილიონ ევროს სთავაზობენ . დაინტერესებულთა რიგებში კვლავინდებურად მოიხსენიება ტურინული გრანდი , რომელიც ზაფხულში ტოპ ფორვარდის დამატებას გეგმავს . ძირითადათი ბრძოლა როგორც ჩანს ამ ორ კლუბს შორის გაიმართება , რადგან თავად გონსალოს მაინც და მაინც არ ხიბლავს ” პსჟ ” – ს და ” მანჩესტერ სიტის ” შემოთავაზება ” .

მექსეს მილანის დატოვება არ სურს

USER — Sat, 05 May 2012 08:05:57 GMT

მილანის ცენტრალური მცველი ფილიპ მექსე აცხადებს, რომ მას ალეგრისთან არანაირი პრობლემა არ აქვს და არც მილანის დატოვება არ სურს:

"მე არასდროს მქონია ალეგრისთან პრობლემა და არც მილანის დატოვება მსურს, რადგან აქ თავს მშვენივრად ვგრძნობ, ერთადერთი რაზეც ახლა ვფიქრობ - ეს კვირას გასამართი დერბია, სადაც აუცილებლად უნდა მოვიგოთ". - აცხადებს მექსე.

მან ასევე იუვენტუსსა და მილანის შანსებზე ისაუბრა სკუდეტოსთვის ბრძოლაში:"ძალიან გაგვიხარდა იუვენტუსის ფეხის დაცდენა ლეჩესთან, თუმცა ეს მილანის ჩემპიონობისთვის არ კმარა, ჩვენ უბრალოდ უნდა მოვიგოთ დარჩენილი 2 მატჩი და იმედი ვიქონიოთ. რომ ბიანკონერი კიდევ დაკარგავს ქულებს".

შეგახსენებთ, რომ მილანური დე ლა მადონინა თბილისის დროით 22:45 წუთზე დაიწყება. ამავე დროს იუვენტუსი შინ ალეგრის ყოფილ გუნდს - კალიარის უმასპინძლებს.

სტანკოვიჩი ვეღარ ითამაშებს

USER — Sat, 05 May 2012 05:51:12 GMT

მილანის "ინტერის" მოთამაშეს დიენ სტანკოვიჩს უნდა ჩაუტარონ ოპერაცია ხრტილზე,ოპერაციას გაუკეთებს პროფესორი ფრანკო კომბი, ყველა გვერდით უდგას.

ის ამ სეზონზე ვეღარ ითამაებს

ნახევარდაცვის ახალი სქემა - 6+2+2

USER — Sat, 05 May 2012 05:34:46 GMT

ორი ტური დარჩა სეზონის დასრულებამდე და "როსონერის" მთავარი საფიქრალი სამომავლოდ ნახევარდაცვაა. მასიმილიანო ალეგრი ორი წელია ერთი ტაქტიკით თამაშობს. სამი მოთამაშე ცენტრში და ერთი გამთამაშებელი. ხუთი ნახევარმცველიდან მხოლოდ ორთან შეიძლება ადვილად მოლაპარაკება, ესენი ამბროზინი და გატუზო არიან. ფლამინის, ზეედორფის და ვან ბომელის მომავალი, "მილანიდან" შორსაა. ამ ფეხბურთელების გარდა ორი მოთამაშე არენდითაა, ალბერტო აკვილანიმ ვერ დააკმაყოფილა ხელმძღვანელობა, ამიტომ იგი "ლივერპულში" დაბრუნდება, ხოლო მუნტარის "ინტერთან" კონტრაქტი ამ წელს ეწურება, ამიტომ მასთან მოლაპარაკება პრობლემას არ წარმოადგენს. ბოატენგს (2014), ემანუელსონს (2014) და ნოჩერინოს (2016) საკითხის გარშემო არანაირი კითხვები არაა. მერკელი და სტრასერი იჯარის წესით წავლენ. გერმანელმა შეიძლება ელ შაარავის ოპერაციაში მიიღოს მონაწილეობა, მეორე კი ახალი გამოწვევის წინაშე დადგება, თუ "ტორინო" ელიტაში გადმოვა, სწორედ იქ გააგრძელებს კარიერას სტრასერი. ზემოთხსენებული ფეხბურთელებიდან შესაძლოა სამი-ოთხი მოთამაშე დარჩეს, სულ ჯამში კი გუნდიდან ცხრა-ათი ფეხბურთელის წასვლაა სავარაუდო. მონტოლივო საბოლოოდ გადმოვა "მილანში". საუბარი კი 4 წლიან კონტრაქტზე. 27 წლის ბაკარი ტრაორე, რომელიც "ნიცაში" თამაშობს და ფრანგულ პასპორტს ფლობს, სამ წლიან კონტრაქტს მოაწერს ხელს. ემანუელსონი შესაძლოა შემდეგ წელს მარცხენა მცველის პოზიციაზე დამკვიდრდეს. ამიტომ საჭიროება იქნება კიდევ ორი ნახევარმცველის მოყვანა. ცენტრალურის, რომელიც გააკონტროლებს მატჩს და ბოატენგის შემცველის.

მილიტოს “ინტერში” დარჩენა უნდა

USER — Sat, 05 May 2012 05:31:41 GMT

მილანის "ინტერის” თავდამსხმელი დიეგო მილიტო კლუბის დატოვებას არ აპირებს.

"ყოველთვის ვამბობდი, რომ "ინტერში” ბედნიერი ვარ. აქ დარჩენა იმ დრომდე მინდა, სანამ თავად კლუბი არ მოისურვებს ჩემთან განშორებას. ვიმედოვნებ, რომ "ნერიაძური” კვლავ გახდება კონკურენტუნარიანი გუნდი. მასიმო მორატი "ინტერის” გაძლიერებას განაგრძობს, ასე რომ მომდევნო სეზონში ყველა ფრონტზე ვიბრძოლებთ”, – მილიტომ Rai Sport-ს განუცხადა.

32-წლის არგენტინელმა ფორვარდმა მიმდინარე სეზონი მძიმედ დაიწყო, თუმცა შემდეგ ჩვეულ დონეს დაუბრუნდა და ახლა მინ ანგარიშზე სერია А-ში გატანილი 20 გოლია.

ცნობისთვის, მილიტოს "ინტერთან” კონტრქტი 2014 წლის ზაფხულში ეწურება.

ვიდალი – თვის საუკეთესო ფეხბურთელი !

USER — Fri, 04 May 2012 12:35:31 GMT

4 წუთში ორი გოლი "რომას” კარში, გენიალური პასი ”ნაპოლისთან” მატჩში, გოლი ”ნოვარა” კარში – აპრილის საუკეთესო ფებხბურთელი ნამდვილად იყო არტურო ვიდალი, ამ მოსაზრებას Juventus Member-ის წარმომადგენლებიც ეთანხმებიამ. მას საპატიო პრიზი ”ლეჩესთან” მატჩის წინ გადასცეს.

ძოფი: ” ბუფონ, ხდება ხოლმე “

USER — Fri, 04 May 2012 12:27:11 GMT

ლეგენდარული იტალიელი მეკარე დინო ძოფი ჯიანლუიჯი ბუფონს ამხნევებს. ვეტერანის თქმით, მომხდარი "იუვენტუსის” პირველ ნომერზე მომავალ მატჩებში გავლენას ვერ იქონიებს: ” ასეთი რამეები ხდება. ამისგან განსაკუთრებული დრამის დადგმა არ ღირს. ვფიქრობ იმ შემთხვევაშიც კი, თუ ჯიჯი ამ ეპიზოდს ვერ დაივიწყებს, შეძლებს რომ უკან მოიტოვოს იგი. არა მგონია, კვირას მის თამაშზე ამან იქონიოს გავლენა. ეს უბრალოდ შეცდომა იყო, ხდება ხოლმე. ფეხბურთში და საერთოდ, ნებისმიერ პროფესიაში უშვებენ შეცდომებს. ერთადერთი განსხვავება ისაა, რომ მეკარის შეცდომა უფრო თვალსაჩინოა, მაგრამ არა უფრო სერიოზული. ” -შეგახსენებთ, მომავალ ტურში ტურინელები "კალიარის” დაუპისიპირდებიან.

მასიმილიანო ალეგრი: მჯერა,რომ იუვენტუსს გავასწრებთ

USER — Thu, 03 May 2012 19:51:16 GMT

"მილანის" მთავარ მწვრთნელს მასიმილიანო ალეგრის სჯერა, რომ მისი გუნდი შეძლებს "იუვენტუსის" გადასწრებას. შეგახსენებთ, რომ ამჟამად სხვაობა ტურინელებთან 1 ქულას შეადგენს.

"მატჩის დასრულებამდე 5 წუთით ადრე ( იუვენტუსი - ლეჩე 1:1 ) სკუდეტო პრაქტიკულად შეფუთული იყო და ტურინელებს ელოდებოდა. ყველა შემთხვევაში კვირას შესანიშნავი ღამე იქნება და "ინტერთან" გასამართი დერბის მოლოდინში ვართ. "ნერაძურისთან" უფრო მეტად მოტივირებულნი გავალთ, ვიდრე "ატალანტასთან" ვიყავით.

თუ ყველაფერს კარგად გავაკეთებთ, "იუვენტუსი" კი კვლავ დაუშვებს შეცომას, შევძლებთ მათ გადასწრებას. სკუდეტო ამ მომენტამდე ტურინელების ხელშია, მაგრამ ჩვენ მუდამ გვჯეროდა წარმატების და რწმენას არასოდეს შევირყევთ. ბოლო 15 წუთი თითქოს თეატრში ვიყავით და ოპერის ფინალს ველოდებოდით, რამდენადაც გავიგეთ, რომ ლეჩეს ჩვენი დახმარება შეეძლო. ამის წინასწარ განჭვრეტა რთული იყო, მაგრამ ფეხბურთში ხომ ყველაფერი ხდება,"-განაცხადა ალეგრიმ.

დელიო როსი სამთვიანი დისკვალიფიკაციით დასაჯეს

USER — Thu, 03 May 2012 19:37:14 GMT

დელიო როსის, რომელიც "ფიორენტინას" მთავარი მწვრთნელის თანამდებობიდან გაათავისუფლეს, დისციპლინარული სასჯელიც დაეკისრა.

შეგახსენებთ, რომ "ნოვარასთან" მატჩის დროს დელიო როსიმ ნახევარმცველ ადემ ლიაიჩს, რომელმაც ნაადრევი შეცვლის გამო სარკასტული რეაქცია გამოავლინა, მუშტები დაუშინა.

კუალიარელამ კონტრაქტი გაახანგრძლივა

USER — Mon, 30 Apr 2012 13:31:14 GMT

იტალიელმა ფორვარდმა კლუბთან ახალ კონტრაქტს მოაწერა ხელი. ფაბიო კუალიარელა მინიმუმ 2015 წლამდე "იუვენტუსის” ფეხბურთელი იქნება. შესაბამისად ხელშეკრულება, რომელიც ფორვარდს გუნდთან 2014 წლის ივნისამდე აკავშირებდა, ერთი წლით გაგრძელდა.

მე-3 ადგილისთვის ბრძოლა კიდევ უფრო დაიძაბა

USER — Mon, 30 Apr 2012 13:17:50 GMT

სერია A-ს 35-ე ტურის შემდეგ, საჩემპიონო ბრძოლაში ის შეიცვალა, რომ „იუვენტუსმა" ტიტულისკენ კიდევ ერთი ნაბიჯი გადადგა. გათამაშების დასრულებამდე 3 ტურით ადრე, ყველაზე საინტერესო ჩემპიონთა ლიგისთვის ბრძოლაა. ერთ საგზურს ერთმანეთს 4 გუნდი ეცილება და ამჟამად, ოთხივე მათგანს ქულათა თანაბარი რაოდენობა აქვს.

ტურის ცენტრალური მატჩი უდინეში გაიმართა, სადაც, დიდი უპირატესობის მქონე „უდინეზემ" „ლაციო" დაამარცხა და რომაელები 3 საფეხურით დააქვეითა. მასპინძლებმა ანგარიში 69-ე წუთზე, დომიცის ფლანგური გადაცემისა და დი ნატალეს ზუსტი დარტყმის წყალობით გახსნეს. მე-3 დამატებულ წუთზე, მასპინძლებმა დედაქალაქელები კონტრშეტევაზე დაიჭირეს, რასაც მარჯვენა ფლანგზე მოთამაშე პერეირას შორეული დარტყმა მოჰყვა და ბურთი წინ წასული მარკეტის მიერ მიტოვებულ კარში შეგორდა.

იოლად მოიგეს „იუვემ" და „მილანმა". „ბებერმა" ქალბატონმა სერია B-ში სათამაშოდ გამზადებული „ნოვარა" 4:0 გაანადგურა. ტურინელებმა ანგარიში ე-16 წუთზე, ძალიან ლამზი გოლით გახსნეს. მარცხენა ფლანგიდან, პირლომ ბურთი საჯარიმოში ჩააწოდა, ხოლო კარისკენ ზურგით მდგომმა ვუჩინიჩმა ქუსლით დაარტყა და მას ადგილი მეკარისგან ზედა მარჯვენა კუთხეში მიუჩინა. დაახლოებით ნახევარ საათში, ჯაკერინიმ ბურთი საჯარიმოში ჩააწოდა, სადაც მას ბორიელო გამოეხმაურა და სტუმრების უპირატესობას სოლიდური სახე მიეცა.

მე-2 ტაიმის დაწყებიდან ხუთ წუთში, ვუჩინიჩს მეკარემ კი აუღო, მაგრამ ვიდალმა დამატებაზე ივარგა. წერტილი შეხვედრას მაინც ვუჩინიჩმა დაუსვა. ტურინელთა მე-14 ნომერმა დაახლოებით 8 მეტრიდან ძლიერი დარტყმით გაიტანა.

მეტოქეს 4 გოლი გაუტანა „მილანმაც", რომლის საჩემპიონო შანსებიც უფრო და უფრო მცირდება. აღსანიშნავია, რომ ხანგრძლივი პაუზის შემდეგ, გოლის გატანა მოახერხა ანტონიო კასანომ, რომელმაც 26-ე წუთზე, მეკარის უხეში შეცდომით ისარგებლა. სამ წუთში, კასანოს გადაცემის შემდეგ, საჯარიმოში მყოფმა იბრაჰიმოვიჩმა ახლო კუთხეში, მაგრამ ძლიერად დაარტყა და ანგარიში 0:2 გახადა.

83-ე წუთზე, ბოგდანიმ ერთი ბურთი გაქვითა, რასაც „მილანის" გააქტიურება და მასპინძელთა კარში კიდევ გოლის გატანა მოჰყვა.

Novara Calcio 0 : 4 Juventus

USER — Sun, 29 Apr 2012 17:43:42 GMT

Novara Calcio

0 : 4

Kick Off:

14:00:00

Half-Time:

0 : 2

Full-Time:

0 : 4

Date:

04/29/2012

Juventus

კალიარი-კიევო 0:0

USER — Sun, 29 Apr 2012 06:40:11 GMT

ვიდეო მიმოხილვა(YouTube.Com/User/Lasha7152)

კალიარი-კიევო 0:0

ტრიესტა, "ნერეო როკო"

კალიარი (4-3-1-2): აგაცი, პიზანო, ასტორი, არიაუდო, აგოსტინი, ეკდალი, კონტი, ნაინგოლანი, კოსუ, პინილია, რიბეირო (იბარბო 61).

მწვრთნელი: მასიმო ფიკადენტი.

კიევო (4-3-1-2): სორენტინო, ფრეი, დაინელი (სარდო 17), აკერბი, დრამე, ლუსიანო, ბრედლი, სამარკო, ტერო, პალოსკი (ჰეტემაი 78), პელისიერი (ურიბე 90).

მწვრთნელი: დომენიკო დი კარლო.

გაფრთხილებები: დრამე 10, ფრეი 28.

მსაჯი: გაბრიელე გავა.

ბურთის ფლობა: 51%-49%, დარტყმა: 11 (5)-5 (2), კუთხური: 7-4, თამაშგარე: 4-6, სეივი: 2-5, ჯარიმა: 19-18.

პალერმო-კატანია 1:1 (0:1)

USER — Sun, 29 Apr 2012 06:27:29 GMT

ვიდეო მიმოხილვა(YouTube.Com/User/Lasha7152)

პალერმო-კატანია 1:1 (0:1)

პალერმო, "რენცო ბარბერა"

პალერმო (4-3-1-2): ვივიანო, მუნიოსი, მილიაჩო, სილვესტრე, მანტოვანი, ბარეტო, დონატი, ბერტოლო (აკუა 88), ილიჩიჩი (ზაჰავი 85), ერნანდესი (ბუდანი 82), მიკოლი.

მწვრთნელი: ბორტოლო მუტი.

კატანია (4-3-3): კარიცო, მოტა, სპოლი, ლეგროტალიე, მარკეზე, ისკო, ლოდი, ალმირონი (სეიმური 67), გომესი, ბერგესიო, ბარიენტოსი (ლამა 75/კატელანი 78).

მწვრთნელი: ვინჩენცო მონტელა.

გოლები: 0:1 ლეგროტალიე (25), 1:1 მიკოლი (47).

გაფრთხილებები: მიკოლი 48, ილიჩიჩი 52 - ლეგროტალიე 12, ბარიენტოსი 61, სპოლი 90+3.

მსაჯი: ჯანლუკა როკი.

ბურთის ფლობა: 52%-48%, დარტყმა: 11 (5)-11 (6), კუთხური: 4-6, თამაშგარე: 3-3, სეივი: 5-4,ჯარიმა: 19-13

რომა-ნაპოლი 2:2 (1:0)

USER — Sun, 29 Apr 2012 06:05:45 GMT

ვიდიო მიმოხილვა

რომა-ნაპოლი 2:2 (1:0)

რომი, "ოლიმპიკო"

რომა (4-3-1-2): ლობონტი, როზი, კიაერი, ჰაინცე, ტადეი, მარკინიო, გაგო (გრეკო 80), პიანიჩი (სიმპლისიო 73), ტოტი, ბორინი, ბოიანი (ტალო 73).

მწვრთნელი: ლუის ენრიკე.

ნაპოლი (3-5-2): დე სანკტისი, ფერნანდესი, კანავარო, არონიკა, მაჯო, გარგანო, ინლერი, ჯემაილი (პანდევი 52), ზუნიგა, ჰამშიკი, კავანი (ლავესი 73).

მწვრთნელი: ვალტერ მაცარი.

გოლები: 1:0 მარკინიო (41), 1:1 ზუნიგა (49), 1:2 კავანი (67), 2:2 სიმპლისიო (88).

გაფრთხილებები: ტადეი 34, ჰაინცე 76, გაგო 79, მარკინიო 80, სიმპლისიო 89, ბორინი 90+2 - ჯემაილი 50.

მსაჯი: ნიკოლა რიცოლი.

ბურთის ფლობა: 58%-42%, დარტყმა: 17 (8)-9 (6), კუთხური: 7-8, თამაშგარე: 0-5, სეივი: 4-6, ჯარიმა: 15-20.

ძანეტი: ჩემპიონთა ლიგაზე თამაში გვსურს

USER — Sat, 28 Apr 2012 15:38:00 GMT

ხავიერ ძანეტის განცხადებით, ''ინტერს'' ძალიან გაუჭირდება ჩემპიონთა ლიგაზე გამსვლელ ზონაში მოხვედრა. "ნერაძური" სატურნირო ცხრილში მეექვსე ადგილზე იმყოფება, მესამე ადგილოსან ''ლაციოს'' კი 3 ქულით ჩამორჩება. ძანეტი ხაზს უსვამს, რომ ისინი მხოლოდ თავიანთ თამაშებზე არიან კონცენტრირებულნი.

''ბევრს ვმუშაობთ, რათა მესამე ადგილი დავიკავოთ და შემდეგ სეზონში ჩემპიონთა ლიგაზე ვიასპარეზოთ. ჩვენ ეს ძალიან გვსურს და გვჯერა, რომ ამის მიღწევა შეგვიძლია.4 თამაშია წინ და ცდას ბოლომდე არ დავაკლებთ''

"მილანური დერბი? მანამდე ორი მატჩი გვაქვს გასამართი და პირველ რიგში იქ ვიბრძოლებთ მესამე ადგილისთვის.არ ვიცი თუ ვინ მოიპოვებს სკუდეტოს ''იუვენტუსსა'' და ''მილანს'' შორის, ჩვენ ჩვენს თავზე ვართ კონცენტრირებულნი და სხვებზე არ ვფიქრობთ, ვეცდებით გავიდეთ ჩემპიონთა ლიგაზე და კარგად ვიასპარეზოთ შემდეგ სეზონში'' - აცხადებს ძანეტი.

შეგახსენებთ, რომ ''ინტერი'' მომდევნო ტურს კვირას საკუთარ მოედანზე ჩეზენას წინააღმდეგ გამართავს.

“ინტერმა” “ნაპოლის” ოფიციალურად მიმართა

USER — Sat, 28 Apr 2012 15:28:11 GMT

მილანის "ინტერმა” "ნაპოლის” ესეკიელ ლავესის ტრანსფერის შესახებ ოფიციალური წინადადებით მიმართა. Sky Italia და Gazzetta dello Sport-ი ერთხმად იუწყებიან, რომ "ნერაძურიმ” ნეაპოლელებს 26 წლის არგენტინელის სანაცვლოდ 15 მილიონი ევრო შესთავაზა.

პლუს, გორან პანდევი, რომელიც ვალტერ მაცარის გუნდში იჯარის წესით ასპარეზობს. გარდა ამისა, მილანელები "ნაპოლის” ანდრეა რანოკიას, ჟოელე ობის ან მარკო დავიდე ფარაონისაც დაუთმობენ.

თავის მხრივ, ნეაპოლელთა პრეზიდენტი აურელიო დე ლაურენტისი ლავესის დათმობას 32 მილიონ ევროზე ნაკლებად არ გეგმავს.

აღსანიშნავია, რომ რამდენიმე კვირის წინათ, "ნაპოლის” ხელმძღვანელები არგენტინელის გასხვისებას გამორიცხავდნენ, თუმცა იტალიურ მედიაში განსხვავებული ინფორმაციები ვრცელდება.

იტალიის სერია A-ს 35-ე ტურის ანონსი

USER — Sat, 28 Apr 2012 05:02:14 GMT

გთავაზობთ იტალიის საფეხბურთო ჩემპიონატის მომავალი ტურის წინ, ტრავმირებული და დისკვალიფიცირებული ფეხბურთელების ნუსხას.

28 აპრილი
პალერმო – კატანია
პალერმო – ტრავმირებულნი: ბალძარეტი, დელა როკა.
კატანია – ტრავმირებულნი: ალმირონი, ებაგუა, ისკო, ბარიენტოსი, პალიალუნგა, პოტენცა.
მსაჯი: როკი.

კალიარი – კიევო
კალიარი – ტრავმირებულნი: ერიკსონი, სამპაიუ, დესენა, ელ კაბირი.
კიევო – ტრავმირებულნი: ფაკინელი, გულანი, მოსკარდელი, ანდრეოლი. დისკვალიფიცირებული: ცესარი.
მსაჯი: გავა.

რომა – ნაპოლი
რომა – ტრავმირებულნი: ბურდისო, ჟუანი, ლობონცი, შტეკელენბურგი. დისკვალიფიცირებულნი: ლამელა, ოსვალდო, დე როსი.
ნაპოლი – ტრავმირებულნი: დონადელი, კამპანიარო.
მსაჯი: რიცოლი.

29 აპრილი
ბოლონია – ჯენოა
ბოლონია – ტრავმირებულნი: კრესპო, პერესი, პულძეტი, ჟიიე, კაზარინი, კრჰინი, რამირესი.
ჯენოა – ტრავმირებულნი: არავინ. დისკვალიფიცირებული: იანკოვიჩი.
მსაჯი: დამატო.

ინტერი – ჩეზენა
ინტერი – ტრავმირებულნი: კასტაინოსი, სამუელი, ძანეტი, კივუ. დისკვალიფიცირებული: სტანკოვიჩი.
ჩეზენა – ტრავმირებულნი: პუდილი, მარტინიო, კალდერონი, მარტინესი. დისკვალიფიცირებულნი: მორასი, რენელა, კოლუჩი.
მსაჯი: რომეო.

ატალანტა – ფიორენტინა
ატალანტა – ტრავმირებულნი: ბრიგი, მარილუნგო, კაპელი. დისკვალიფიცირებულნი: სტენდარდო, ჩიგარინი, დონი.
ფიორენტინა – ტრავმირებულნი: კროლდრუპი, ამაური, მონტოლივო, ჩერჩი. დისკვალიფიცირებული: ბორუცი.
მსაჯი: დოვერი.

ნოვარა – იუვენტუსი
ნოვარა – ტრავმირებულნი: ჯედა, ლუდი, მარიანინი, უიკანი. დისკვალიფიცირებული: მორგანელა.
იუვენტუსი – ტრავმირებულნი: პეპე. დისკვალიფიცირებული: მატრი.
მსაჯი: ჩელი.

სიენა – მილანი
სიენა – ტრავმირებულნი: ჯორჯი, კალაიო, ანჯელო. დისკვალიფიცირებული: როსი.
მილანი – ტრავმირებულნი: ინძაგი, რომა, პატო, ამბროზინი.
მსაჯი: ბრიგი.

ლეჩე – პარმა
ლეჩე – ტრავმირებულნი: ჟულიო სერჟიო. დისკვალიფიცირებული: კუადრადო.
პარმა – ტრავმირებულნი: მარიგა, ძაკარდო.
მსაჯი: მაცოლენი.

უდინეზე – ლაციო
უდინეზე – ტრავმირებულნი: ბადუ, ისლა, კოდა, ფერონეტი; დისკვალიფიცირებული: ფლორო ფლორესი.
ლაციო – ტრავმირებულნი: მაკინვა, ერნანესი, რადუ, ლულიჩი, კლოზე, სტანკიავიჩიუსი, ბროკი. დისკვალიფიცირებული: კანდრევა.
მსაჯი: ბერგონცი.

1.	იუვენტუსი	34	20	14	0	58:18	74
2.	მილანი	34	21	8	5	64:27	71
3.	ლაციო	34	16	7	11	50:43	55
4.	ნაპოლი	34	14	12	8	60:41	54
5.	ინტერი	34	15	7	12	50:46	52

რობინიო "სანტოსში" დაბრუნებაზე: "ყველაფერი შესაძლებელია"

USER — Fri, 27 Apr 2012 18:48:38 GMT

ბოლო დღეების განმავლობაში "სანტოსის" დირექტორი Tuttomercatoweb.com-თან საუბარში აცხადებდა, რომ მას რობინიოს ბრაზილიაში დაბრუნება სურდა.

ამჯერად განცხადება თავად ფეხბურთელმა გააკეთა. რობინიო ბრაზილიურ Terra-სთან მის "სანტოსში" შესაძლო დაბრუნებაზე საუბრობს:

"ყველაფერი შესაძლებელია. ჯერჯერობით არავინ დამკავშირებია "სანტოსიდან", არც მე და არც ჩემს აგენტს. მე ვფიქრობ, რომ მოლაპარაკებები ძალიან რთული იქნება, მაგრამ ჩემი გული ყოველთვის "სანტოსისთვის" ძგერდა. თუ შეთანხმებას მივაღწევთ, ეს ყველასთვის კარგი იქნება, ნამდვილად შესანიშნავი, მაგრამ არ ვიცი არის თუ არა ამით დაინტერესებული "მილანი".

დიეგო : “იუვენტუსის” წარმატება გამიხარდება”

USER — Fri, 27 Apr 2012 18:44:39 GMT

რთულია, დიეგო რიბას და კუნიას ტურინულ კარიერას შთამბეჭდავი უწოდო, თუმცა ფაქტია, ბრაზილიელი ნახევარმცველი ყოფილი გუნდისადმი სიმპათიებს არც ახლა მალავს.ამჟამად მადრიდის "ატლეტიკოში” მოთამაშე ტრეკვარტისტა გუშინ ევროპის ლიგის ფინალში გავიდა და ტიტულამდე ერთი ნაბიჯი აშორებს.Mediaset Premium – თან საუბარში დიეგომ როგორც ახლანდელ, ისე ყოფილ გუნდზე ისაუბრა : "ბედნიერი ვარ, რომ ევროპის ლიგის ფინალში გასვლა მოვახერხეთ.რთული მატჩი გველის და მაქსიმალურად შევეცდებით, მიზანს მივაღწიოთ.არ ვიცი, რა ვღირვარ, ეს უფრო "ატლეტიკოს” ხელმძღვანელობის საქმეა, მაგრამ კარგ სეზონს ვატარებ და ეს მახარებს.”იუვენტუსი” ? – ბედნიერი ვარ, რომ ეს გუნდი წარმატებით ასპარეზობს, ისინი სკუდეტოს მოგებასთან ძალიან ახლოს არიან.საკუთარი წარმატების შემდეგ ბიანკონერების გამარჯვება განსაკუთრებით გამიხარდება.”

“ნოვარა” – “იუვენტუსი” ( წინასამატჩო )

USER — Fri, 27 Apr 2012 18:39:19 GMT

სნეიდერი: “ჩვეულად ათამაშება მოვახერხე”

USER — Thu, 26 Apr 2012 12:58:25 GMT

მილანის "ინტერის” ჰოლანდიელი ნახევარმცველი ვესლი სნეიდერი "უდინეზესთან” ჩატარებული შეხვედრით კმაყოფილია და აცხადებს, რომ მან ძველებურად ათამაშება მოახერხა.

"შესანიშნავი გრძნობაა, როდესაც გუნდისთვის ისევ სასარგებლო მოთამაშე ხარ. ამჯერად, გადავწყვიტე, ჯერ ტრავმა ბოლომდე მომერჩინა და მოედანზე მხოლოდ ამის შემდეგ გამოვსულიყავი. ვფიქრობ, ჩვეულად ათამაშება მოვახერხე.

"უდინეზესთან” მოგებამ დამაჯერებლობა შეგვმატა და წინ კიდევ 4 თამაშია. ვიცით, რომ მე-3 ადგილზე გასვლა ადვილი არ იქნება, მაგრამ მიზნის მისაღწევად ყველაფერს გავაკეთებთ” – აცხადებს ჰოლანდიელი, რომელმაც "უდინეზესთან” 3:1 მოგებულ შეხვედრაში 2 გოლი გაიტანა.

მარკიზიო: "ჩეზენამ უფრო მეტი პრობლემა შეგვიქმნა ვიდრე რომამ"

USER — Thu, 26 Apr 2012 12:52:07 GMT

მარკიზიომ ისაუბრა გუშინ გამართულ მატჩზე, სადაც "იუვემ" მორიგი გამარჯვება მოიპოვა. "მოწინააღმდეგეების არ შეფასება ჩემპიონატის ბოლომდე არ შეიძლება. ამის დაამტკიცა "ჩეზენასთან" გამართულმა მატჩმა. ჩეზენამ ჩვენ უფრო მეტი პრობლემა შეგვიქმნა, ვიდრე "რომამ", - ამბობს მარკიზიო. "მთავარია, რომ ჩვენ მოვახერხეთ გამარჯვება. ჩვენ ახლა უნდა აღვიდგინოთ ძალები მომდევნო მატჩისთვის. სეზონის დასკვინითი ნაწილისთვის, ძალების არც თუ ისე ბევრი გვაქვს დარჩენილი. თუმცა, მუდმივმა მუშაობამ ვარჯიშებზე თავისი შედეგი გამოიღო და ჩვენ ვიმყოფებით შესანიშნავ ფორმაში". *მატჩში ერთადერთი გოლი ბორიელომ გაიტანა.

აკვილანი შესაძლოა ლივერპულში დაბრუნდეს

USER — Thu, 26 Apr 2012 12:46:26 GMT

იტალიური ''მილანის'' ნახევარმცველი 27 წლის ალბერტო აკვილანი შესაძლოა ლივერპულში ამ ზაფხულსავე დაბრუნდეს.

''იყიდის თუ არა ალბერტოს მილანი ??? ჯერჯერობით ვერ გეტყვით, ჩვენ კიდევ ცოტა უნდა მოვიცადოთ.'' - განაცხადა აკვილანის აგენტმა.

''ალბერტომ თავი გაართვა ტრავmებს და მწვრთნელიც ამყარებს მასზე იმედებს, მილანმა საჭიროა აკვილანი 3 მატჩში გაიყვანოს მინდორზე და გუნდი ავტომატრად მიიღებს უფლებას ფეხბურთელი გამოისყიდოს.''

Real Madrid 2:1 Bayern Munich (AET 1:3)

USER — Thu, 26 Apr 2012 12:43:57 GMT

Real Madrid 2:1 Bayern Munich (AET 1:3)

Highlights + Penaltys Shoot

“კორინთიანსს” პატუ მოუნდა

USER — Wed, 25 Apr 2012 13:53:16 GMT

ბრაზილიურ "კორინთიანსს” იტალიური "მილანის” ახალგაზრდა ფორვარდის – ალეშანდრ პატუს გადაბირება სურს. ამის შესახებ ბრაზილიური კლუბის სპორტულმა დირექტორმა – დუილიუ ალვესმა განაცხადა.

"დიახ, ჩვენ პატუს შეძენით ნამდვილად დაინტერესებულნი ვართ. ჯერჯერობით, საქმე კონკრეტულ წინადადებამდე არ მისულა. ყურადღებით ვადევნებთ თვალს იმ მოვლენებს, რაც "მილანში” პატუს გარშემო ხდება. ნებისმიერ შემთხვევაში, მისი კალიბრის თავდამსხმელზე უარს ვერ ვიტყვით”, - ციტირებს ალვესის სიტყვებს Terrikon-ი.

შეგახსენებთ, რომ 22 წლის პატუ "როსონერიში” 2007 წლიდან ასპარეზობს. მან მილანელთა მაისური 142-ჯერ მოირგო და 61 გოლი მიითვალა.

მარიო ბერეტა: “ჩემპიონატის ფავორიტი “იუვეა”"

USER — Wed, 25 Apr 2012 13:32:56 GMT

მარიო ბერეტა ფიქრობს, რომ საჭიროა თავის გადადება, რათა „ჩეზენას" არ მოუწიოს სერია ბ-ში გავარდნა. „ზღვის ცხენები" უკვე მე-5 მატჩია აღარ დამარცხებულან, თუმცა მთელი გასული სეზონის განმავლობაში მათ მხოლოდ 22 ქულის დაგროვება მოახერხეს და 14 ქულით ჩამორჩებიან მე-17 ადგილზე მყოფ „ჯენოას". ალბათ სასწაული თუ იხსნის მათ გავარდნისაგან. გთავაზობთ „ჩეზენას" მთავარი მწვრთნელის – ბერეტას მატჩის წინა კომენტარს:
„მე ვუყურე „იუვენტუსისა" და „რომას" მატჩს. ეს უდიდესი გუნდია, რომელიც ბრწყინვალედ არის მომზადებული როგორც ფიზიკური, ასევე ფსიქოლოგიური თვალსაზრისით. ამ სეზონში მათ არ იციან რა არის დამარცხება, რაც კარგადნ მეტყველებს კონტეს მუშაობის ხარისხზე. ჩვენ 100%-ზე მეტად უნდა დავიხარჯოთ და თავად „იუვენტუსი" არ უნდა იყოს ფორმაში, წინააღმდეგ შემთხვევაში ვერაფერს შევძლებთ. ეს მატჩი იქნება როგორც ფიზიკური ძალების, ასევე ნერვების გამოცდა. მე ვთვლი, რომ ჩემპიონატის ფავორიტი „იუვეა", განსაკუთრებით ფსიქოლოფიური თვალსაზრისით. „მილანმა" რამდენიმე დაუგეგმავი ქულა დაკარგა მაშინ, როცა „ბებერი ქალბატონი" კვლავაც ბრწყინვალე ფორმაშია" – აცხადებს ბერეტა

შეიძლება თუ არა მესამე ოქროს ვარსკვლავი “იუვეს” ლოგოზე?

USER — Wed, 25 Apr 2012 13:29:45 GMT

„მათ მაინც 29 ტიტული აქვთ". ძალიან ბევრი ფეხბურთის ნეიტრალური გულშემატკივარი ამ სლოგანს ეთანხმება და „იუვენტუსისათვის" კალჩიოპოლის (ფალსოპოლის) შედეგად ჩამორთმეულ სკუდეტოებს მაინც „ბებერი ქალბატონის" საკუთრებად თვლის.რა თქმა უნდა ამავე აზრზე არის უკლებლივ „ბიანკონეროების" ყველა გულშემატკივარი, თუმცა 29 ნაცვლად, ოფიციალურად 27 სკუდეტო იწერება „იუვეს" სახელზე. როგორც გახსოვთ, 2004-05 წლის ჩემპიონატის შედეგი საერთოდ გაუქმდა, ხოლო 2005-06 წლის სეზონის სკუდეტო კალჩიოპოლის შედეგად გადაეცა მესამე ადგილოსან მილანის „ინტერს".
რა მოხდება იმ შემთხვევაში, თუ „იუვენტუსი" წელს სკუდეტოს მოიგებს?
იტალიაში გავრცელებულია ტრადიცია, რომლის მიხედვითაც ყოველი მეათე სკუდეტოს შემდეგ, გუნდს უფლება აქვს საკუთარ ლოგოზე ერთი დიდი ოქროს ვარსკვლავი გამოსახოს. წლევანდელი სეზონის ბოლოს, თუ „იუვე" ჩემპიონატს მოიგებს მისთვის ეს რიგით 30-ე სკუდეტო იქნება. ვინაიდან, როგორც ზემოთ აღვნიშნეთ, თავად კლუბი, მისი გულშემატკივარი და ბევრი სხვა ფეხბურთის მოყვარული არ ცნობს კალჩიოპოლის შედეგებს, ამ ყველაფერმა ავტომატურ რეჟიმში უნდა გამოიწვიოს „იუვენტუსის" ლოგოზე მესამე ოქროს ვარსკვლავის გაჩენა. იურიდიულად არც ლიგა კალჩიოს და არც იტალიის ფეხბურთის ფედერაციას არ აქვს უფლება აუკრძალოს გუნდს მსგავსი ვარსკვლავის გამოსახვა ლოგაზე, ვინაიდან მათი დებულებები და რეგლამენტი მსგავს შემთხვევას არ ითვალისწინებს. იტალიის კანონმდებლობით კი გუნდს შეუძლია ნებისმიერი რამ გამოხატოს მაისურზე ან ლოგოზე, რაც არ ეწინააღმდეგება კანონმდებლობას. ვარსკვლავის გამოხატვა კი იტალიის კანონმდებლობით აკრძალული არ არის.
რაც შეეხება სხვა ქვეყნების გამოცდილებას: მაგალითად, გერმანიის ფეხბურთის ლიგამ, რომელიც გერმანული ფეხბურთის ორ უმაღლეს ლიგას კურირებს, 2004 წელს მიიღო გადაწყვეტილება და მათი რეგლამენტით მკაცრად არის განსაზღვრული გუნდების ლოგოებზე საჩემპიონო ვარსკვლავების გამოსახვის რაოდენობა. კონკრეტულად არსებობს სხვადასხვა ზომის და ფორმის ვარსკვლავი, რომელიც 3-5-10 და 20 მოგებულ ჩემპიონატს გამოხატავს. ამ შემთხვევაში როგორც ხედავთ საკითხი მკაცრად რეგლამენტირებულია, რასაც ვერ ვიტყვით იტალიის ფეხბურთის ფედერაციისა და ლიგა კალჩიოს მაგალითზე. ამდენად, იურიდიულად „იუვენტუსს" არაფერი უშლის ხელს იმაში, რომ წელს გაჩემპიონების შემთხვევაში საკუთარ ლოგოზე 30 სკუდეტოს აღმნიშვნელი მესამე ოქროს ვარსკვლავი გამოსახოს.
აქვე შეგახსენებთ, რომ იტალიაში ოქროს ვარსკვლავის ტრადიციას საფუძველი 1958 წელს ჩაეყარა. როდესაც „იუვენტუსმა" თავის რიგით მე-10 სკუდეტო მოიპოვა, იტალიის ეროვნული ოლიმპიური კომიტეტის გადაწყვეტილებით ფეხბურთში და ზოგადად სპორტში შეტანილი წვლილისათვის „იუვენტუსმა" მიიღო ოქროს ვარსკვლავი, რომელიც გუნდის მაშინდელ პრეზიდენტს – უმბერტო ანიელის (ანდრეა ანიელის მამა) გადაეცა. პრეზიდენტის გადაწყვეტილებით ჯილდო სიმბოლურად კლუბის ლოგოზე გამოიხატა და მომდევნო სეზონში „იუვეს" მაისურზე და ლოგოზე ერთი დიდი ოქროს ვარსკვლავი გამოჩნდა. ტურინის "იუვენტუსმა” პირველი ოქროს ვარსკვლავი 1958 წელს გამოისახა მაისურზე, რაც 10 გზის იტალიის ჩემპიონობას ნიშნავდა, ხოლო მეორე ოქროს ვარსკვლავი კი 1982 წელს. ამ კუთხით „ბიანკონეროების" უშუალო კონკურეტებს – მილანის "ინტერს” და მილანის "მილანს” თავთავიანთ ლოგოზე დღემდე თითო ვარსკვალვი აქვთ, შესაბამისად 1966 და 1979 წლებში გამოსახული.

ზეედორფი და რობინიო ტრიბუნებზე იქნებიან...

USER — Tue, 24 Apr 2012 13:29:51 GMT

"ჯენოასთან" მატჩში შესაძლოა "მილანს" ორი მაყურებელი შეემატოს. ამ თამაშს კლარენს ზეედორფმა და რობინიომ შესაძლოა "სან სიროს" ტრიბუნებიდან ადევნონ თვალი. ვეტერანმა ჰოლანდიელმა ცუდად ითამაშა კვირას "ბოლონიას" წინააღმდეგ და მატჩის შემდეგ მან პრეტენზიები გამოთქვა, გააკრიტიკა ალეგრი იმის გამო, რომ მისი აზრით მწვრთნელმა უდროო დროს შეცვალა იგი. შემდეგ მატჩში კი იბრაჰიმოვიჩის მეწყვილე ანტონიო კასანო იქნება.

რუდი ფიოლერი: “ვიდალი პატარა მეომარია”

USER — Tue, 24 Apr 2012 13:24:32 GMT

ლევერკუზენის „ბაიერის" მენეჯერი – რუდი ფიოლერი ამაყობს, რომ მისი კლუბის ყოფილი ნახევარმცველი არტურო ვიდალი სერია ა-ს კარგად მოერგო. „რომას" ყოფილი ფეხბურთელი აცხადებს, რომ „ბაიერში" არტუროს დიდი ფეხბურთელობის შესახებ თავიდანვე ამჩნევდნენ.
„ძალიან მიხარია არტუროს წარმატებები იტალიაში. ის ძლიერი ფეხბურთელია არა იმიტომ, რომ ორი გოლი გაუტანა „ჩემს" „რომას", არამედ იმიტომ, რომ მან კიდევ ერთხელ დაამტკიცაა გუნდში ყოფნის ღირებულება. ხანდახან მაქვს დრო, რომ ვუყურო სერა ა-ს მატჩებს და ვამჩნევ თუ რა კარგად მოერგო ვიდალი სერია ა-ს. მახსოვს არტუროს მოყვანა „ბაიერში". ყველა შთაბეჭდილებების ქვეშ ვიყავით მისი თამაშით და შესაძლებლობებით. თავიდანვე ემჩნეოდა რომ უფრო მაღალ დონეზეც შეეძლო თამაში. რაც ყველაზე მნიშვნელოვანია, არტურომ დაამტკიცაა, რომ მას აქვს უნარი ითამაშოს მოედნის ნებისმიერ მონაკვეთზე, როგორც ცენტრალურ მცველად ან ნახევარმცველად, ასევე ფლანგებზეც. ტურინში ის უბრალოდ ახორციელებს და ადასტურებს იმას, რასაც ლევერკუზენში მასზე ვავმობდით და მასში ვხედავდით. ჩვენ მას პატარა მეომარი დავარქვით, იმიტომ რომ ის ყოველთვის იბრძვის, დარბის მოედნის ყოველ წერტილში მატჩის დასაწყისიდან ბოლო წუთამდე" – აცხადებს გერმანული ფეხბურთის ლეგენდა.

ტრეზეგე: “იმედი მაქვს “იუვე” სკუდეტოს მოიგებს”

USER — Tue, 24 Apr 2012 13:18:15 GMT

ტურინის „იუვენტუსის" ყოფილი თავდამსხმელი – დევიდ ტრეზეგე, რომელიც ამჟამად არგენტინული „რივერ-პლეიტის" ფეხბურთელია Sky Sport 24-თან ინტერვიუში „ბებერ ქალბატონზე" საუბრობს. გთავაზობთ ინტერვიუს, რომელიც „რომასთან" მატჩამდეა ჩაწერილი…
„კონტე - ეს ის პიროვნებაა ვინც იცის, თუ რა არის „იუვენტუსი" და მისი მენტალიტეტი. ის ბრწყინვალედ მუშაობს და ვფიქრობ, რომ სეზონის ბოლოს „იუვე" თავის მიზნებს მიაღწევს. გამარჯვებები ამ გუნდის და მისი ისტორიის შემადგენელი ნაწილია. უკვე ამ სეზონის ბოლოს ჩვენ ახლოს ვართ გამარჯვებებთან. „მილანი" რა თქმა უნდა ძლიერი გუნდია, განსაკუთრებით ინდივიდუალურობის ხარჯზე, თუმცა „იუვენტუსს" უფრო მეტი სურვილი აქვს მიაღწიოს წარმატებას, რაც საბოლოო ჯამში „მილანზე" გავლენას მოახდენს. იმედი მაქვს, რომ „იუვე" ჩემპიონატს მოიგებს, რაც ძალიან მნიშვნელოვანი იქნება კლუბისთვის და მისი გულშემატკივრისათვის. რაც მთავარია სწორ გზაზე ვართ, რათა დავიბრუნოთ იტალიის საუკეთესო გუნდის წოდება.
დელ პიერო - ის მნიშვნელოვანი ადამიანია ჩემთვის და რა თქმა უნდა „იუვენტუსისთვის". იგი წერდა გუნდის ისტორიას და დღემდე ასრულებს გუნდში მნიშვნელოვან როლს. ალესანდრო ყოველთვის იყო საკვანძო ფიგურა იმ მატჩებში, რომლებშიც მონაწილეობას იღებდა. არ ვიცი გააგრძელებს თუ არა იგი „იუვეში" თამაშს, თუმცა უდავოა, რომ დელ პიერო „ბებერი ქალბატონის" ისტორიაში ყოველთვის ერთ-ერთი მთავარი მოვლენა იქნება.
„ნაპოლი" - ეს საინტერესო იდეა იყო, რაც დადებითად იმოქმედებდა ჩემზე. ისინი ჩემპიონთა ლიგაზე მონაწილებდნენ და ჩემი გამოცდილებით შემეძლო მათზე დახმარება, თუმცა ვალტერ მაცარიმ არ ისურვა ჩემი გუნდში ხილვა.
„იუვენტურსში" დაბრუნება – ეს ჩემი ოცნებაა. გუნდის ხელმძღავნელობა უკვე დამიკავშირდა. მე ვესაუბრე ანდრეა ანიელის, რომელსაც სურს, რომ ორგანიზება გაუკეთოს ჩემს გამოსამშვიდობებელ მატჩს. იმედი მაქვს, რომ დავბრუნდები იტალიაში, რათა მოვესიყვარულო „იუვენტუსის" ტიფოზებს. მე პირობა დავდე, დავპირდი „იუვეს" და ამას შევასრულებ" – აცხადებს დევიდ ტრეზეგე.

“ჩეზენა” – “იუვენტუსი” ( წინასამატჩო )

USER — Tue, 24 Apr 2012 13:05:31 GMT

“მილანს” სილვა და ბოატენგი უბრუნდებიან

USER — Tue, 24 Apr 2012 13:00:30 GMT

იტალიური "მილანის” ტრავმირებული ფეხბურთელები – ტიაგუ სილვა და კევინ-პრინს ბოატენგი მინდორზე დაბრუნებასთან ახლოს არიან. La Gazzetta dello Sport-ის ცნობით, გუნდის უკანასკნელ ვარჯიშზე, ორივე მათგანი სრულად დაიტვირთა.

შეგახსენებთ, რომ ბრაზილიელს უკანასკნელი თვე გაუცდა, განელი – აპრილის დასაწყისიდან უქმობს.

იტალიურ მედიასაშუალებებში ვარაუდობენ, რომ ბოატენგი "ჯენოასთან” ოთხშაბათს გასამართ მატჩში 18-კაციან განაცხადში მოხვდება. არაა გამორიცხული, ნახევარმცველმა მოედანზე რამდენიმე წუთიც დაჰყოს. რაც შეეხება სილვას, მისი დაბრუნება 29 აპრილს, "სიენასთან” მატჩში იგეგმება.

მილანი ცხოვრებას ირთულებს

USER — Mon, 23 Apr 2012 12:34:44 GMT

როსონერი საშინაო შეხვედრაში მცირედით გადარჩა დამარცხებას, რითაც იუვენტუსს შანსი მისცა ქულათა სხვაობა სამამდე გაზარდოს, რომელსაც თავის მხრივ არანაკლები სირთულის მატჩი აქვს ჩასატარებელი რომასთან.

მილანი - ბოლონია 1:1

გოლები: იბრაჰიმოვიჩი, 90 - რამირესი, 26

მილანი: აბიატი, აბატე, ნესტა, ბონერა, ანტონინი (ემანუელსონი, 69), ვან ბომელი (აკვილანი, 73), ნოჩერინო, მუნტარი, ზეედორფი (კასანო, 56), იბრაჰიმოვჩი, რობინიო

ბოლონია: ალიარდი, პორტანოვა, რაჯი, კერუბინი, გარიჩი, პერესი, მუდინგაი, მორლეო, რამირესი (კონე, 88), დიამანტი (ტაიდერი, 64), დი ვაიო (აკვაფრესკა, 74)

გაფრთხილება: ნოჩერინო, ბონერა - პერესი, ტაიდერი

გაგდება: ბონერა

იუვემ რომა გაანადგურა

USER — Mon, 23 Apr 2012 12:14:38 GMT

გოლები: ვიდალი 4′, 8′, პირლო 29′, მარკიზიო 53′

"იუვენტუსი”: ბუფონი, ბონუჩი, ბარცალი, კიელინი, ლიხტშტაინერი, დე ჩელიე, ვიდალი (ჯიაკერინი 67′), მარკიზიო, პირლო, კუალიარელა (დელ პიერო 61′), ვუჩინიჩი (ბორიელო 57′).

"რომა”: სტეკელენბურგი, როზი, დე როსი, კიაერი, ხოსე ანხელი, პეროტა, გაგო, მარკინიო, პიანიჩი (ლამელა 61′), ოსვალდო (კრკიჩი 57′), ბორინი (კურჩი 28′).

გაფრთხილებები: კუალიარელა 32′, კრკიჩი 85′, სტეკელენბურგი (წ.ბ)

„ნაპოლიმ“ და „კატანიამ“ მოგება გაიხსენეს

USER — Sun, 22 Apr 2012 05:19:29 GMT

სერია A-ს 34-ე ტურის გუშინდელ მატჩებში 2 მოუგებელი სერია შეწყდა - „ნაპოლიმ" ხუთმატჩიანი, ხოლო „კატანიამ" ოთხმატჩიანი წარუმატებლობის შემდეგ იმარჯვა. ორივე ეს გუნდი საკუთარ კედლებში თამაშობდა და როგორც კამპანიელებმა, ასევე სიცილიელებმა მეტოქეს 2 უპასუხო გოლი გაუტანეს.

„ნაპოლი" „ნოვარას" ხვდებოდა და გათამაშების ერთ-ერთ უსუსტეს გუნდთან, ვალტერ მაცარის შეგირდებმა საქმე პირველივე ტაიმში მოამთავრეს. 21-ე წუთზე, სტუმართა კიპერის უხეში შეცდომის შემდეგ ცარიელი კარის წინ დარჩენილ კავანის ანგარიშის გახსნა არ გასჭირვებია. 37-ე წუთზე, „ნოვარას" ფეხბურთელებმა ბურთი საჯარიმოდან ვერ გამოიტანეს და კანავარომ, ახლო მანძილიდან დარტყმით, შეხვედრას წერტილი დაუსვა.

პარმა-კალიარი 3:0 (1:0)

პარმა, "ენიო ტარდინი”

პარმა (3-5-2): მირანტე, ძაკარდო, პალეტა, ლუკარელი, ჟონათანი, ვალიანი (ბიაბიანი 74), ვალდესი (მუსაჩი 90+2), გალოპა, გობი, ჯოვინკო, ფლოკარი (ოკაკა ჩუკა 80).

მწვრთნელი: რობერტო დონადონი.

კალიარი (4-3-1-2): აგაცი, პიზანო, ასტორი, კანინი, აგოსტინი (პერიკო 58), ეკდალი, კონტი, ნაინგოლანი, კოსუ (ნენე 80), პინილია, რიბეირო (იბარბო 56).

მწვრთნელი: მასიმო ფიკადენტი.

გოლები: 1:0 ჯოვინკო (24), 2:0 ფლოკარი (73, პენ), 3:0 ოკაკა ჩუკა (90, პენ).

გაფრთხილებები: გალოპა 34, ჯოვინკო 45, ჟონათანი 71 - კოსუ 61, აგაცი 87.

მსაჯი: ნიკოლა რიცოლი.

ბურთის ფლობა: 51%-49%, დარტყმა: 7 (4)-8 (2), კუთხური: 1-8, თამაშგარე: 7-3, სეივი: 2-1, ჯარიმა:17-13.

კიევო-უდინეზე 0:0

ვერონა, "ანტონიო ბენტეგოდი”

კიევო (4-3-2-1): სორენტინო, ფრეი, დაინელი, აკერბი, დრამე, ლუსიანო (სამარკო 68), რიგონი, ბრედლი, ტერო, კრუსადო (სეარი 80), პალოსკი (გრანდოლფო 87).

მწვრთნელი: დომენიკო დი კარლო.

უდინეზე (3-5-2): ჰანდანოვიჩი, კოდა (ეკსტრანდი 40), დანილო, ალ მუტაქი, ბასტა (აბდი 80), ფერნანდესი, პაციენცა, ასამოა, არმერო, ბარეტო (ფლორო ფლორესი 57), დი ნატალე.

მწვრთნელი: ფრანჩესკო გვიდოლინი.

43-ე წუთზე, ტერომ ვერ გამოიყენა თერთმეტმეტრიანი.

გაფრთხილება: ფერნანდესი 39.

მსაჯი: სებასტიანო პერუცო.

ბურთის ფლობა: 45%-55%, დარტყმა: 12 (5)-5 (2), კუთხური: 6-2, თამაშგარე: 2-4, სეივი: 2-4,ჯარიმა: 14-13.

კატანია-ატალანტა 2:0 (1:0)

კატანია, "ანჯელო მასიმინო”

კატანია (4-3-3): ტერაჩიანო, ბელუსკი, ლეგროტალიე, სპოლი, მარკეზე, სეიმური, ლოდი, ბიაჯანტი (რიჩიუტი 88), გომესი (ლამა 84), ბერგესიო, ლანცაფამე (კატელანი 66).

მწვრთნელი: ვინჩენცო მონტელა.

ატალანტა (4-4-2): კონსილი, ბელინი, სტენდარდო, ლუჩინი, პელუზო, სკელოტო (ტირიბოკი 59), კარმონა, კაცოლა, ბონავენტურა (ადრიანო 80), მორალესი, გაბიადინი (კაროცა 74).

მწვრთნელი: სტეფანო კოლანტუანო.

გოლები: 1:0 გომესი (31), 2:0 სეიმური (85).

გაფრთხილებები: ლანცაფამე 44, ლეგროტალიე 51, ბელუსკი 90+3 - კარმონა 89, პელუზო 90.

მსაჯი: ანდრეა რომეო.

ბურთის ფლობა: 40%-60%, დარტყმა: 8 (6)-4 (1), კუთხური: 6-4, თამაშგარე: 1-1, სეივი: 1-3, ჯარიმა:18-13.

ნაპოლი-ნოვარა 2:0 (2:0)

ნეაპოლი, "სან პაოლო”

ნაპოლი (3-4-3): დე სანკტისი, კამპანარო, კანავარო, არონიკა, მაჯო, გარგანო, ინლერი (ვარგასი 77), ზუნიგა (დოსენა 89), ჯემაილი, კავანი, ჰამშიკი (ამენდოლა 90+1).

მწვრთნელი: ვალტერ მაცარი.

ნოვარა (5-3-2): ფონტანა, მორგანელა, ლისუცო, სენტურიონი, პაცი (დელაფიორე 78), ჯემიტი, პორკარი, რადოვანოვიჩი (პესცე 56), იენსენი, მასკარა (რუბინიო 77), კარაჩოლო.

მწვრთნელი: ატილიო ტესერი.

გოლები: 1:0 კავანი (21), 2:0 კანავარო (37).

გაფრთხილებები: კამპანარო 66 - მორგანელა 45.

მსაჯი: დანიელე დოვერი.

ბურთის ფლობა: 65%-35%, დარტყმა: 13 (7)-4 (1), კუთხური: 7-5, თამაშგარე: 1-2, სეივი: 1-5,ჯარიმა: 13-9.

რობენმა იუვენტუსი უარით გაისტუმრა

USER — Sat, 21 Apr 2012 13:56:42 GMT

გერმანული პრესის თანახმად, მიუნხენის "ბაიერნის" შემტევმა ნახევარმცველმა არიენ რობენმა იტალიურ "იუვენტუსში" გადასვლა იუარა.

28 წლის ნახევარმცველმა განაცხადა, რომ მისთვის დიდი პატივია, როდესაც მისით ასეთი დიდებული კლუბი ინტერესდება, მაგრამ ამ მომენტისთის იგი გერმანიიდან წასვლას არ აპირებს.

ჰოლანდიელს მიუნხენში დარჩენა სურს. მარტში ვრცელდებოდა ინფორმაცია, იმის შესახებ, რომ მას "რეკორდმაისტერი" ახალ კონტრაქტს სთავაზობდა, რომლის ვადაც 2015 წლამდე იქნებოდა.

Speciale Goal.Com: ვინ გაახანგრძლივებს კონტრაქტს და ვინ არა...

USER — Sat, 21 Apr 2012 08:37:56 GMT

გატუზო და ამბროზინი, ნესტა და ზეედორფი, ვან ბომელი და ინძაგი: რამდენიმე იმ ფეხბურთელთაგან, რომლებსაც "მილანთან" ზაფხულში კონტრაქტი უმთავრდებათ. მათი უმეტესობა კი კონტრაქტს არ გაახანგრძლივებს.

ივნისში "მილანში" რევოლუცია მოხდება. თითქმის მთელი გუნდი, როგორც გალიანის ახალი სტრატეგია, განიხილავს გუნდთან კონტრაქტს. ახლა დადგა იმ ფეხბურთელების წასვლის დრო, რომლებაც "მილანის" ისტორია შექმნეს, რადგან გუნდს აუცილებლად სჭირდება გაახალგაზრდავება და ახალი სისხლი. მხოლოდ რამდენიმე ფეხბურთელს შესთავაზებენ კონტრაქტის ერთი წლით გახანგრძლივებას, სწორედ ეს არის გუნდის ახალი პოლიტიკა 30 წელს გადაცილებული ფეხბურთელების თაობაზე. დანარჩენები კი თავისუფალი აგენტები გახდებიან.

ალესანდრო ნესტა

ასაკი ------------------ 36 წლის

ანაზღაურება ---------------------- 2.5 მლნ ევრო

თამაში სეზონში ---------------------- 21

გოლი სეზონში ----------------------- 1

გახანგრძლივება % ----------------------- 50%

კონტრაქტის გახანგრძლივება მის ხელშია. ყველაფერი დამოკიდებული იქნება ფიზიკურ მდგომარეობაზე, რადგან სეზონის განმავლობაში იგი ხშირად იყო არ პრობლემის წინაშე. "მილანის" დიდებული დაცვის უკანასკნელი წარმომადგენელი, რომელმაც "მილანში" ათი სეზონი გაატარა, ახლა გზაგასაყარზეა: გაახანგრძლივოს კონტრაქტი თუ დაასრულოს კარიერა. რა თქმა უნდა, მცირედი შესვენება არ არის საკმარისი იმისთვის, რომ კონტრაქტის გახანგრძლივება უზრუნველყოფილი იქნას. მან უარყო გავრცელებული ხმები "იუვენტუსში" გადასვის თაოვაზე - მას ანდრეა პირლო ეპატიჟებოდა - ამერიკის შეერთებულ შტატებში წასვლის იდეა კი ჯერ კიდევ აქტუალურია. სატრანსფერო ბაზრის მოახლოვებასთან ერთად, "მილანი" მის შესაძლო შემცვლელებს განიხილავს: ნატალი ("ფიორენტინა") და აჩერბი ("კიევო") მზად არიან შეაბიჯონ "როსონერის" კარში.

მასიმო ამბროზინი

ასაკი ------------------ 34 წლის

ანაზღაურება ---------------------- 3 მლნ ევრო

თამაში სეზონში ---------------------- 30

გოლი სეზონში ----------------------- 1

გახანგრძლივება % ----------------------- 80%

ამბროს ჯერ კიდევ აქვს საწვავი სხეულში. ევროასპარეზზე "ბარსელონას" წინააღმდეგ შესანიშნავად ჩატარებულმა ორმა მატჩმა მისი კონტრაქტის გახანგრძლივების ალბათობა გაზარდა. ვეტერანებს შორის, ის იყო პირველი, რომელზეც დადასტურდა, რომ კონტრაქტს გაახანგრძლივებს. "როსონერის" მაისური უკვე მისი სხეულის ნაწილია, ისევე როგორც მისი დნმ გახდა შავ-წითელი. უპირველეს ყოვლისა, მას შეუძლია უზრუნველყოს მთელი ნახევარდაცვის საიმედოობა და კომპაქტურობა. შესაძლოა, მისთვის უფრო მოსახერხებელი იყოს ვიცე ვან ბომელის როლი, ოღონდ იმ შემთხვევაში, თუ ჰოლანდიელი გუნდში დარჩება. ამ მომენტისთვის მხარეები ჯერ არაფერზე შეთანხმებულან, მაგრამ კაპიტანთან კონტრაქტის გახანგრძლივება დისკუსიის თემა არ არის. ივნისში, ვია ტურატიზე, ის პირველი დაიწყებს მოლაპარაკებებს გალიანისთან.

ჯენარო გატუზო

ასაკი ------------------ 34 წლის

ანაზღაურება ---------------------- 4 მლნ ევრო

თამაში სეზონში ---------------------- 4

გოლი სეზონში ----------------------- 0

გახანგრძლივება % ----------------------- 80%

რინო არ აპირებს დანებებას. მისი პრობლემები ბნელ წარსულში დარჩა, ახლა მან დაიბრუნდა თავისი ადგილი. "კიევოს" წინააღმდეგ მოედანს "მილანის" ნახევარდაცვის სიმბოლო დაუბრუნდა: მან ითამაშა და იყო კაპიტანი. შვიდი თვის კოშმარის შემდეგ, რამაც თვალის პრობლემების გამო მისი კარიერა რისკის ქვეშ დააყენა, მან პირველად მიიღო ასეთი დატვირთვა. ის მზად არის ასაფეთქებლად. მას ზურგს გამოცდილება უმაგრებს, მაგრამ სიმართლე გითხრათ, შესაძლოა მისნაირ გლადიოატორსაც კი არ შეეძლოს 90 წუთის თამაში. როდესაც მას სთხოვეს, კონტრაქტის არ გახანგრძლივების შემთხვევაში ტურინში, "იუვენტუსში" შესაძლო გადასვლაზე ესაუბრა, გატუზომ ჩვეული ირონიით უპასუხა: "მე ვთვლი, რომ მე მხოლოდ არაბებს ვუნდივარ." როგორც ვთქვით, ის "მილანში" კიდევ ერთი წლით დარჩება. მათ სიაში, ვისაც კონტრაქტი გაუხანგრძლივდებათ, მისი სახელი რიგით მეორეა.

კლარენს ზეედორფი

ასაკი ------------------ 36 წლის

ანაზღაურება ---------------------- 3 მლნ ევრო

თამაში სეზონში ---------------------- 28

გოლი სეზონში ----------------------- 3

გახანგრძლივება % ----------------------- 25%

ჰოლანდიელმა ძალიან ბევრი მისცა "როსონერის", მისი დახმარების გარეშე შესაძლოა "მილანს" ვერ მიეღწია ასეთი წარმატებისთვის. "ბარსელონასთან" დაპირისპირებებში მან არაფერი დაუთმო მსოფლიოს საუკეთესო ნახევარმცველებს, ის არის ერთადერთი ფეხბურთელი, რომელმაც სამჯერ მოიგო ჩემპიონთა ლიგა სამ სხვადასხვა გუნდთან ერთად: "აიაქსი", "რეალი" და "მილანი". მაშინაც კი, როდესაც მას ფიზიკური დისკომფორტი ჰქონდა, შუაგულ "სან სიროზე" იყო, თუმცა: დრო გადის ყველასთვის. წინადადება რჩება წინადადებად, მაგრამ მიუხედავად ამისა, საუბარია, რომ ჰოლანდიელი "პროფესორით" "იუვენტუსია" დაინტერესებული. ეს კარგად ნაცნობი ნაბიჯია, "მილანიდან" იმ ფეხბურთელის გადაბირება, რომელსაც გუნდთან კონტრაქტი დაუმთავრდა. თუმცა სავარაუდოა, რომ ჰოლანდიელი ბევრად მარტივ გამოსავალს აირჩევს, ის ამერიკის შეერთებულ შტატებში გაემგზავრდება და იქ ითამაშებს.

მარკ ვან ბომელი

ასაკი ------------------ 35 წლის

ანაზღაურება ---------------------- 3.5 მლნ ევრო

თამაში სეზონში ---------------------- 30

გოლი სეზონში ----------------------- 0

გახანგრძლივება % ----------------------- 20%

მისი კონტრაქტის გახანგრძლივება დიდი კითხვის ნიშნის ქვეშ დგას. ჰოლანდიელ ნახევარმცველს არასდროს უცდია საიდუმლოდ შეენახა ის, რომ კარიერის დასრულება მშობლიურ "პსვ"-ში სურს. გადაწყვეტილება ურთიერთშეთანხმების შემდეგ იქნება მიღებული, მაგრამ ეს ჯერ არ მომხდარა. მოკლე დროში - 2011 წლის "მილანში" - ის "როსონერის" ნახევარდაცვის წამყვანი ფიგურა გახდა, გახდა შეუცვლელი და აუცილებელი წევრი ალეგრის ტაქტიკაში. არის რაღაც ელემენტები, რამაც მაგიდაზე კარტის განლაგება შეცვალა. იმ შემთხვევისთვის, თუ ვან ბომელი გუნდს დატოვებს, მან უკვე ურჩია "მილანის" ხელმძღვანელებს მისი შემცვლელი: კევინ სტროოტმანო, დაბადებული 1990 წელს, "პსვ"-სა და ჰოლანდიის ნაკრების ცენტრალური ნახევარმცველი.

ფილიპო ინძაგი

ასაკი ------------------ 38 წლის

ანაზღაურება -------------- 800 ათასი ევრო

თამაში სეზონში ---------------------- 8

გოლი სეზონში ----------------------- 0

გახანგრძლივება % ----------------------- 1%

არცერთ გულშემატკივარს არ სურს ეს. მაგრამ დროსთან ერთად გადის წლებიც, ასაკი კი იმატებს. მას სურს თამაშის გაგრძელება, ალეგრი კი ამის გზას ვერ ხედავს. მისი საბოლოო სიტყვა, როგორც ჩანს, უკვე დაწერილია. სუპერპიპომ ამ სეზონში მოედანზე ძალიან ცოტა დრო გაატარა, გადამწყვეტი კი ჩემპიონთა ლიგის განაცხადს მიღმა მისი დატოვება იყო. "მილანელოზე" მისთვის მილოცვებს ამზადებენ. ინძაგის კი არ სურს ბუცების ლურსმნებზე ჩამოკიდება. იანვარში მან "მილანში" დარჩენის გამო უარი უთხრა "სიენას", მაგრამ ვერ ვიტყვით, რომ ის ამას კიდევ ერთხელ გააკეთებს. მისი გადაბირების იმედი "ატალანტასაც" აქვს. თუ ის შეუერთდება მათ, ეს იქნება დაბრუნება, რადგან 1996-97 წლების სეზონში ის გუნდის ბომბარდირი გახდა 24 გატანილი გოლით.

სხვები

რომა კონტრაქტს გაახანგრძლივებს, მაგრამ ბოლო დღეებში აქტიურად მიმდინარეობს საუბარი იაპონელი მეკარის, კავაშიმას "მილანში" ტრანსფერზე, რომელიც ახლა ბელგიურ "ლიერსში" თამაშობს. ასე რომ, შესაძლოა "მილანის" მეკარეების გეგმები შეიცვალოს (აბიატის და ამელიას კონტრაქტი 2013 წელს უმთავრდებათ). "ლეჩეში" იჯარით მყოფი ოდო კი ფასდაკლებით გაიყიდება.

ოთხი თვის უთამაშებლობის შემდეგ დაბრუნებული იეპესი შესაძლოა გახდეს "ახალი შენაძენი" მომავლისთვის. ძამბროტასთან დაკავშირებით ხმები იყოფა, ზოგი ამბობს, რომ გუნდს დატოვებს, ზოგი კი მიიჩნევს, რომ ის დარჩება. სამწუხარო დაზიანებების შემდეგ ფლამინი აუცილებლად დატოვებს გუნდს, შეგვიძლია ჩავთვალოთ, რომ მას უკვე ბარგიც ჩალაგებული აქვს.

"მილანში" "ინტერიდან" იჯარით მყოფ მუნტარისთან დაკავშირებითაც ხმები იყოფა, თუმცა უმეტესობა ფიქრობს, რომ ივნისში იგი გუნდთან სამწლიან კონტრაქტს გააფორმებს და რა თქმა უნდა აკვილანი, რომელიც გუნდში "ლივერპულიდან" არის იჯარით. მან უკვე ჩაატარა სავალდებულო 25 მატჩი, ასე რომ, "მილანი" მას გამოისყიდის.