ბარძალი: “ჩვენ სწორი განწყობა გვქონდა მატჩზე” - 21 ნოემბერში 2011

მთავარი » 2011 » ნოემბერი » 21 » ბარძალი: “ჩვენ სწორი განწყობა გვქონდა მატჩზე”

14:58 ბარძალი: “ჩვენ სწორი განწყობა გვქონდა მატჩზე”
ანდრეა ბარძალი აგრძელებს ბრწყინვალე ასპარეზობას დაცვის ცენტრში, რისი მაგალითიც გუშინ „პალერმოსთან" მატჩი გახლდათ. ჯანლუიჯი ბუფონთან ერთად, დაცვის სწორი თამაში იყო ერთ-ერთი პირობა იმისაა, რომ „იუვენტუსმა" კარი მშრალად შეინახა. „თავს ბრწყინვალედ ვგრძნობ, როგორც ფიზიკურად, ასევე ფსიქოლოგიურად" - განაცხადა მატჩის შემდგომ გუნდის ცენტრალურმა მცველმა – ანდრეა ბარძალიმ. „ეს იყო კარგი თამაში და ჩვენ დამსახურებული სამი ქულა მოვიპოვეთ. ჩვენ მატჩზე სწორი განწყობით გავედით, რადგან სამკვირიანი საკლუბო შესვენების შემდეგ საჭირო იყო ბოლომდე დავბრუნებოდით სათამაშო რითმს. ჩვენ ეს გამოგვივიდა, რასაც ტაბლოზე დაფიქსირებული ანგარიშიც ცხადყოფს. „პალერმო" ჩვენს შეცდომებს ელოდება, თუმცა ამავდროულად ვიცოდით, რომ ჩვენი შემტევი ფეხბურთის წყალობით მათ პრობელმები შეექმნებოდათ." „იუვენტუსი” „პალერმოსთან" გამარჯვების შემდეგ ცხრილის სათავეში დაბრუნდა „ლაციოსთან" თანაბარი ქულებით, თუმცა ბურთების უკეთესი სხვაობით და ერთი ჩატარებული მატჩით ნაკლებით. „მე არ ვუყურებ სატურნირო ცხრილს, ჩვენ ზედიზედ ორი ურთულესი მატჩი გველის გასვლაზე „ლაციოსთან" და „ნაპოლისთან”. ერთი შეხედვით ეს მატჩები იქნება ერთგვარი გამოცდა და იმის დასტური, ვართ თუ არა ჩვენ უმაღლესი დონის გუნდი." ჩატარებულ მატჩებზე თვალის გადავლებით და დაგროვილი ქულების მიხედვით, პრინციპში „იუვენტუსი" უკვე შეიძლება მივიჩნიოთ ასეთ გუნდად. „მწვრთნელი ყოველთვის გვთხოვს, რომ ვაკონტროლოთ ბურთი, თუნდაც დაცვაში თამაშისას. ზოგჯერ შეიძლება ეს სარისკო იყოს, თუმცა ეს არის ის ფასი, რაც აუცილებლად უნდა გადაიხადო იმისათვის, რომ იხილო კარგი ფეხბურთი" – აცხადებს ანდრეა ბარძალი.
1 2 3 4 5 კატეგორია: იუვენტუსი \| ნანახია: 546 \| დაამატა: USER \| რეიტინგი: 1.0/1

კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]