სერია A-ში, "რომასთან” გასამართი მატჩის წინ, "მილანის” ლაზარეთიდან კარგი ამბები ისმის. როგორც ცნობილი გახდა, დედაქალაქელებთან "როსონერის” ზლატან იბრაჰიმოვიჩი და ტიაგო სილვა დაეხმარებიან.
იტალიის თასის ნახევარფინალში, "იუვენტუსთან” გამართული მატჩის დროს, იბრაჰიმოვიჩი შესვენაბზე შეცვალეს, ხოლო სილვამ თამაშის ბოლოს კოჭლობა დაიწყო. იყო ვარაუდი, რომ ეს ფეხბურთელები "რომასთან” გასამართ შეხვედრას გამოტოვებდნენ, მაგრამ როგორც გაირკვა, იბრაჰიმოვიჩმაც და ტიაგო სილვამაც გამოჯანმრთელება მოასწრეს.
სავარაუდოდ, "რომასთან” მატჩის განაცხადში მოხვდებიან ბოატენგი, ნესტა და მერკელი.