14:26 იოვეტიჩი “ჯენოასთან” ითამაშებს | |
ფლორენციიის "ფიორენტინას” ჩერნოგორიელმა ფორვარდმა სტევან იოვეტიჩმა ტრავმა მოიშუშა და თუ მწვრთნელი ისურვებს, კვირას "ჯენოას” წინააღმდეგ ითამაშებს. Football Italia-ს ცნობით, 22 წლის ფეხბურთელს თითქმის მთელი თვე გაუცდა. იოვეტიჩს კუნთების პრობლემები ჰქონდა, ამასობაში კი, მის გუნდს საქმეები არცთუ კარგად მისდიოდა, გასულ ტურში კი, "იუვენტუსთან” საკუთარ მოედანზე 0:5 განადგურდა. იოვეტიჩმა "მონტეკატინის” წინააღმდეგ ამხანაგურ მატჩში მიიღო მონაწილეობა, თავდასხმის ხაზში ამაურის შეუწყვილდა და ჰეთ-თრიქი შეასრულა, ხოლო მისმა გუნდმა 12:1 იმარჯვა. სერია A-ს მიმდინარე სეზონში, იოვეტიჩმა 21 შეხვედრაში მიიღო მონაწილეობა და 12 გოლი გაიტანა.
| |
|