რომის "ლაციოს” ფორვარდ მიროსლავ კლოზეს კარგა ხანს უქმობა მოუწევს.

გამოცდილმა გერმანელმა ფეხბურთელმა რომაული გუნდის ერთ-ერთ ვარჯიშზე მარცხენა ბარძაყის კუნთი დაიშავა. კლოზე მიუნხენში ჩაფრინდა, სადაც გერმანიის ეროვნული ნაკრების ექიმ ჰანს ვილჰემ მიულერ-ვოლფარტთან კონსულტაციებს გაივლის.

წინასწარი ვარაუდით, კლოზეს მოედანზე დაბრუნებას მინიმუმ ოთხი თვე არ უნდა ველოდოთ.